ҰЛАҒАТТЫ ҰСТАЗҒА ҚҰРМЕТ

ҰЛАҒАТТЫ ҰСТАЗҒА ҚҰРМЕТ

 “№31 Береке жалпы білім беретін мектеп" коммуналдық мемлекеттік мекемесінің директоры Даубаева Меруерт Таласбекқызы

және мектеп әкімшілігі ардагер ұстаздарды құттықтап, құрмет көрсетті.

 Ермухамедов Ибрагим – ұрпаққа үлгі болған ұстаз.

 Ұзақ жылдар бойы мектебімізде физика пәнінің мұғалімі болып қызмет атқарған Ермухамедов Ибрагим ағай – өз ісінің нағыз шебері, тәртіп пен тәрбие ұстанымын шәкірт санасына сіңіре білген ардақты ұстаздардың бірі.

 Ол кісінің еңбегі тек пәндік білім берумен шектелмей, жас ұрпақты отансүйгіштікке, батылдық пен жауапкершілікке тәрбиелеуге бағытталды.

 Ибрагим ағайдың шәкірттері бүгінде еліміздің түкпір-түкпірінде еңбек етіп, ұстаздарының берген тәлімін мақтанышпен еске алады.

 Мектебіміздің директоры Даубаева Меруерт ханым ағайға шынайы алғыс білдіріп, мерекелік құрмет көрсетті.

 Ардагер ұстазымыздың ақ батасы мен ақыл-кеңесі – кейінгі ұрпаққа мол мұра.